لاہور(سپورٹس رپورٹر)سنٹرل ایشین والی بال چیمپئن شپ، ایران نے سری لنکا کو تین صفر سے شکست دیکر ایونٹ میں اپنی دوسری کامیابی حاصل کر لی۔پاکستان والی بال فیڈریشن کے زیر اہتمام لاہور میں جاری پانچ ملکی سنٹرل ایشین والی بال چیمپئن شپ کے تیسرے روز کھیلے جانے والے میچ میں ایران نے سری لنکا کو تین صفر سیٹ سے مات دیدی۔ ایران نے پہلا سیٹ پندرہ پچیس سے اپنے نام کیا۔ دوسرے سیٹ میں بھی ایران کو کوئی مشکل پیش نہ آئی اور اس نے پچیس آٹھ سے سیٹ جیت کر میچ میں دو صفر سے برتری حاصل کر لی۔ تیسرے سیٹ میں دونوں ٹیموں کے درمیان سخت مقابلہ دیکھنے میں آیا۔ تاہم ایران نے انتیس ستائیس سے کامیابی حاصل کر کے میچ اپنے نام کر لیا۔ ایران کی چیمپئن شپ میں دوسری کامیابی تھی۔دوسرے میچ میں بنگلہ دیش نے افغانستان کو تین ایک سیٹ سے ہرا دیا۔ پہلا سیٹ افغانستان نے ستائیس پچیس سے جیتا۔اگلے تینوں سیاتوں میں بنگلہ دیش نے کامیابی حاصل کر کے میچ جیت لیا۔بنگلہ دیش کا سکور پچیس بیس، پچیس اکیس اور پچیس بیس رہا۔ آج پاکستان کا مقابلہ سری لنکا جبکہ ایران اور بنگلہ دیش مدمقابل ہونگے۔