کوئٹہ(بیورورپورٹ) سکوپ انٹر نیشنل فا ؤ نڈیشن 15دسمبر 2022سے پہلے سیلاب سے متاثرہ خاندانوں کیلئے ایک چیریٹی شو کا اہتمام کر رہی ہے جس میں ملک کے مشہور اور معروف گلوکار لاہور اور کراچی سے پر فارم کرنے کیلئے  شرکت کرینگے۔ پروگرام بنام بلوچستان میوزک راکس ہوگا۔ گذشتہ دنوں ہونے والے سنگنگ آڈیشن میں منتخب ہونے والے طالبعلم گلوکار طیب،مریم اور عبدالرزاق کو سینئر گلوکاروں کے ساتھ پرفارمنس کرنے کا موقع  ملے گا۔ پروگرام میں شرکت کیلئے مہمان خصوصی کے علاوہ صوبائی اسمبلی کے ممبرز شعبہ تعلیم، شعبہ شو بزنس، سپورٹس، سماجی فلاح و بہبود، بنکنگ،تجارت و صنعت،کے ساتھ ساتھ بلوچستان کے مشہور معروف ماڈلز اور ٹک ٹاکر بھی شریک ہونگے۔