ملتان( سپیشل رپورٹر )ملتان ویسٹ منیجمنٹ کمپنی نے ممتاز آباد کے ایریا میں گرینڈ صفائی آپریشن کیا اور ممتاز آباد کالونی اور مین مارکیٹ کی بھر پور صفائی کردی گئی۔ بی سی جی چوک اور ممتاز آباد فلائی اوور کی بھی صفائی ستھرائی کی گئی اور اطراف کے علاقہ سے تمام کوڑا کرکٹ اٹھالیا گیا، تمام شاہراہوں کی سکریپنگ بھی کی گئی۔ ولائت آباد،وہاڑی چوک، وہاڑی روڈ اور چوک کمہارانوالہ میں بھی خصوصی صفائی آپریشن کیا گیا اور بھاری مشینری کے ذریعے ویسٹ لفٹ کر لیا گیا،کمپنی انتظامیہ نے ورکرز کو ڈور ٹو ڈور ویسٹ کولیکشن کرنے پر فوکس کرنے کی ہدایات بھی جاری کردی ہیں۔