دلہن کی فرمائش‘ دولہا ہیلی کاپٹر میں بارات لے کر پشاور پہنچ گیا

پشاور (نیٹ نیوز) خیبر پی کے کے علاقے صوابی کا رہائشی دلہنیا لینے ہیلی کاپٹر کے ذریعے پشاور پہنچ گیا۔ دولہا ذکریا طوطالئی صوابی کا رہائشی ہے جس کی شادی پشاور میں طے پائی۔ وہ پشاور کے علاقہ اچینی بالا پہنچا‘ دولہا ہیلی کاپٹر میں ہی دلہنیا لیکر واپس صوابی روانہ ہوگیا۔ اس انوکھی بارات کو دیکھنے کے لیے لوگ جمع ہوئے اور ہیلی کاپٹر کی ویڈیو بنا کر سوشل میڈیا پر شیئر کی جو دیکھتے ہی دیکھتے وائرل ہو گئی۔ اہل خانہ کے مطابق دلہن نے دولہا سے بارات ہیلی کاپٹر پر لانے کی خواہش ظاہر کی تھی۔