موٹر وے پولیس کی بروقت کارروائی، جلتی کار سے میاں بیوی کو بحفاظت نکال لیا

لاہور (نامہ نگار) موٹروے پولیس اہلکاروں نے موٹروے پر جلتی ہوئی کار سے میاں بیوی کو بحفاظت باہر نکال کر دونوں کی جان بچالی ہے۔ ترجمان موٹروے پولیس کے مطابق فیض پور کے قریب کار کو شارٹ سرکٹ کی وجہ سے آگ لگ گئی تھی۔ پولیس اہلکاروں نے جان پر کھیل کر دونوں افراد کو زندہ بچا لیا۔ کار سوار میاں بیوی نے موٹروے پولیس کو خراج تحسین پیش کیا۔ سیکٹر کمانڈر غلام قادر سندھو نے پیٹرولنگ افسران کی کارکردگی کو سراہا ہے۔