نئی دہلی (این این آئی)بھارتی ریاست کیرالہ کی ایک یونیورسٹی میں میوزیکل کنسرٹ کے دوران بھگدڑ مچنے سے چارطلبہ ہلاک ،64زخمی ہو گئے ۔کیرالہ کے وزیر صحت نے ایک بیان میں کہا کہ بھگدڑ کوچن یونیورسٹی آف سائنس اینڈ ٹیکنالوجی کے آڈیٹوریم میں مچی، زخمی طلبہ میں چار کی حالت تشویشناک ہے ۔ مقامی پولیس نے میڈیا کو بتایا کہ بھگدڑ اس وقت مچی جب اچانک بارش کی وجہ سے آڈیٹوریم کی سیڑھیوں پر کھڑے ہجوم میں سے کچھ افراد پھسل کر گر پڑے اور ہجوم بارش سے بچنے کیلئے انہیں روند کر گزر گیا۔