گوجرانوالہ:چندا قلعہ چوک کی خوبصورتی کیلئے کلاک ٹاور کی تعمیر شروع

گوجرانوالہ(نمائندہ خصوصی) پی ایچ اے کی جانب سے چندا قلعہ چوک کی خوبصورتی میں اضافے کیلئے خوبصورت کلاک ٹاور کی تعمیر شروع کر دی گئی ہے، جس سے چوک کی خوبصورتی میں ایک نیا اضافہ ہونے کے ساتھ گزرنے والے شہریوں کو وقت دیکھنے کی سہولت بھی میسر آئے گی۔اِن خیالات کا اظہار ڈائریکٹر جنرل پی ایچ اے شاہدعباس جوتہ نے وزٹ کے دوران چنداقلعہ چوک کھیالی سائیڈ تکون میں زیر تعمیر کلاک ٹاور کی تعمیر کا جائزہ لینے کے موقع پر کیا۔اُن کا کہنا تھا کہ یہ چوک بڑا اہم اورشہر کا بڑا داخلی راستہ ہے، اس پر خصوصی توجہ مرکوز ہے،شہر کے مختلف مقامات پر تزئین و آرائش کا کام رات دن جاری ہے۔درین اثنا ءسی ای او شاہد عباس جوتہ کا شہر کے مختلف علاقوں میں جاری صفائی آپریشن کا جائزہ، مرکزی چوکوں چوراہوں کی دھلائی، دفاتر، روڈز سے کچرے کے علاوہ صفائی آپریشن کی خود نگرانی کی۔