لاہور(سپورٹس رپورٹر)پاکستان نے بنگلہ دیش بلائنڈ کرکٹ ٹیم کو8 وکٹوں سے شکست دیکر  ٹی 20بلائنڈ کرکٹ ورلڈ کپ میں مسلسل دوسری کامیابی حاصل کرلی۔باغ جناح کرکٹ گراؤنڈ میں بنگلہ دیش نے  ٹاس جیت کر بیٹنگ کرنے کا فیصلہ کیا۔ پاکستان کو جیتنے کیلئے 146 رنز کاٹارگٹ دیا۔ محمد سلمان نے43 اور تارف ریحان نے 30 رنزکی اننگز کھیلی۔ پاکستان نے 146 رنز کا ہدف4.12اوورز میں 2 وکٹوں  پر مکمل کر لیا۔ محمد صفدر نے 29 گیندوں پر 41،نعمت اللہ نے 29 گیندوں پر 34 اوربدرمنیر نے 9 گیندوں پر 28 ناٹ آئوٹ رنز بنائے۔ مہمان خصوصی صوبائی سیکرٹری سپورٹس پنجاب مظفرخان سیال نے چیئرمین پی بی سی سی سیدسلطان شاہ کے ہمراہ محمد سلمان کومیچ کا ایمرجنگ پلیئرز اور بدرمنیر کومین آف دی میچ کا ایوارڈ دیا۔ ایک اور میچ میں نیپال نے جنوبی افریقہ کو شکست دے دی۔ گرین شرٹس کی بلائنڈ ٹیم آج نیپال کے مدمقابل ہوگی۔