لاہور(سپورٹس رپورٹر)قائداعظم ٹرافی کے سہ فریقی مرحلے کے پہلے میچ کے پہلے دن پشاور کی ٹیم سیالکوٹ کیخلاف پہلی اننگز میں 171 رنز بناکر آؤٹ ہوگئی۔اویس علی اور محمد علی نے چار چار وکٹیں حاصل کیں۔سیالکوٹ نے کھیل کے اختتام پر اپنی پہلی اننگز میں بغیر کسی نقصان کے 74 رنز بنائے تھے۔عاشر محمود 31 اوراذان اویس 38 رنزبناکر موجودتھے۔ گروپ میچوں کے اختتام پر تینوں گروپ کی سرفہرست ٹیموں سیالکوٹ‘ پشاور اور لاہور وائٹس نے سہ فریقی مرحلے کیلئے کوالیفائی کیا ہے۔ مرحلے کا دوسرا میچ 2 دسمبر سے ایبٹ آباد میں لاہور وائٹس اور  پشاور کے درمیان کھیلا جائیگا ۔