لاہور(سپورٹس رپورٹر) قومی ٹیم کے کپتان محمد رضوان نے زمبابوے کیخلاف دوسرا ون ڈے جیتنے اور سیریز برابرکرنے کے بعد کہا کہ جیت کا کریڈٹ تمام کھلاڑیوں کو جاتا ہے ۔ تمام اچھی کارکردگی کا مظاہرہ کیا ۔ ابرابر احمد نے ڈیبیو میںبہت اچھی بائولنگ کی ۔ ابھی انہوں نے 70فیصد کارکردگی دکھائی ‘100فیصد کارکردگی کا  مظاہرہ کریں گے ۔  صائم ایوب نے  اعلیٰ بیٹنگ کا مظاہر ہ کیا ۔ وہ بہت ٹیلنٹڈ کھلاڑی ہے ۔آئندہ تیسرا میچ جیت کر سیریز جیتنے کی کوشش کرینگے ۔ مین آف دی میچ صائم ایوب نے کہا کہ جیت کو بھول چکے ہیں ۔ تیسرے میچ کی تیاری کریں گے اور سیریز جیتنے پر فوکس ہے ۔ دوسرے میچ میں گیند بہتر آرہی تھی اور موسم قدرے بہتر تھا ۔ کھلاڑیوں کو تمام صورتحال میں خود کو تیار کرنا پڑتاہے ۔ میرے خیال میں اپنے تمام شارٹ نہیںکھیل سکا ۔ہم ہر قسم کی پچز کیلئے تیاری کی ہے ۔ صرف ایک پچ کیلئے تیار ی نہیں ۔ کوشش ہوگی آئندہ بھی اسی طرح کارکردگی دکھائوں جو ٹیم کے کام آئے ۔ سیریز جیتنے کی کوشش کرینگے ۔ زمبابوے ٹیم کے کپتان کریگ اروائن نے کہا کہ دوسرے میچ میںاچھی کارکردگی کا مظاہر ہ نہیں کرسکے ۔ وکٹ پہلے میچ کی نسبت اچھی نہیں تھی ۔ کھلاڑیوں نے  کوشش تاہم اچھی پارٹنر شپس قائم نہیں کرسکے ۔ کھلاڑیوں کو وکٹ پر ٹھہرنے کا بھی سوچنا ہوگا۔ پاکستان نے کنڈیشنز کو بہتر استعمال کیا ہے ۔ پاکستان ٹیم نے کچھ کوالٹی بائولرز بھی ہیں ۔  سیریز جیتنے کیلئے کھلاڑیوں کو متحد ہو کر اچھی کارکردگی کا مظاہرہ کرنا ہوگا۔ موزاربانی اور نگارووا نے ماضی میں بھی ٹیم کیلئے بہت اچھاپرفارم کیا ہے ۔ جوڑی بہت اچھی اور شاندار بائولنگ کرتے ہیں ۔ امید ہے آئندہ بھی اچھی کارکردگی کا مظاہرہ کرینگے ۔