لاہور(سپورٹس رپورٹر)پاکستان کرکٹ ٹیم کے مسٹری اسپنر ابرار احمد نے کہا ہے کہ پرفارمنس کا یقین تھا، کافی عرصے سے موقع کی تلاش میں تھا۔ انٹرنیشنل کرکٹ کا پریشر ہوتا ہے، جس طرح سیریز کا پہلا میچ ہارے، اْس کا بھی پریشر تھا۔ کپتان محمد رضوان نے شروع سے ہی اعتماد دیا، مجھے کہا کہ آپ نے نئی گیند سے بائولنگ کرنی ہے اور درمیان میں بھی جب ضرورت پڑیگی۔ کپتان آپ کو اعتماد دیتا ہے اور انہیں ہی لے کر چلا ہوں، پچ پر شروع میں بائولنگ کرتے ہوئے تھوڑا گرپ ہو رہا تھا۔ کمبی نیشن کودیکھا جائے تو سلمان آغا نے اچھی بائولنگ کی، فیصل اکرم جو نوجوان ہے، اس نے بھی اچھی بائولنگ کی، سپنرز کے ساتھ کمبی نیشن بنا تو اچھی بائولنگ ہوئی۔ بیٹنگ ہونے کے بعد پچ مختلف ہوئی اور بیٹنگ کیلئے سازگار ہوئی، صائم ایوب کا سب کو پتہ ہے کہ وہ جب بھی کھیلتا ہے تو میچ کو ون سائیڈڈ لے جاتا ہے۔