کامونکی تتلے عالی(نمائندہ خصوصی+نامہ نگار)چوری کی وارداتوں میں چورموٹرسائیکل اور دیگر سامان چوری کرکے لے گئے۔بتایا گیا ہے کہ نواحی گاؤں دھوپ سڑی کے ناظم علی کے موضع شمیر میں واقع رقبہ سے تھری فیس میٹر چورلے گئے۔غلہ منڈی کے اعظم کی موٹرسائیکل اس کے گھر کے باہر سے چوری کرکے لے گئے۔ پولیس نے مقدمات درج کر لئے ۔علاوہ ازیں تتلے عالی کے نواحی گاؤں لالوپور میں چور زمیندار رانا فیصل کے کھیتوں میں نصب برقی موٹر چرا کرلے گئے۔ تھانہ تتلے عالی کے علاقہ بڈھاگورائیہ میں چور خرم شہزاد کے ڈیرہ سیدو برقی موٹریں اور عبدالقیوم راجپوت کے کھیتوں سے دو پیٹر انجن چوری کرنے کے علاؤہ شبیر راجپوت کے کھیتوں سے برقی موٹر چرا کر لے گئے۔ تھانہ تتلے عالی کے علاقہ میں چور خریداری کے لئے بازار میں آئی خاتون کا پرس چرا کرلے گیا۔ پرس میں چالیس ہزار روپے اور ایک موبائل فون بتایا گیا ہے۔