ہتھنی مدھوبالا کو بہنوں کے پاس سفاری پارک منتقل کر دیا گیا

کراچی (نیٹ نیوز) ہتھنی مدھوبالا کو کراچی میٹروپولیٹن کارپوریشن (کے ایم سی) کے زیر انتظام کراچی زولوجیکل گارڈن سے اس کی بہنوں کے پاس شہر کے وسیع و عریض رقبے پر پھیلے سفاری پارک منتقل کردیا گیا۔ محکمہ وائلڈ لائف کے ماہرین اور کے ایم سی افسران کی موجودگی میں اینیمل ویلفیئر آرگنائزیشن فور پاز انٹرنیشنل کی ٹیم نے مدھوبالا کو پہلے 4 ٹن وزنی مضبوط کنٹینر میں سوار کیا اور پھر اس کنٹینر کو کرین کی مدد سے سفاری پارک منتفل کیا۔ یہ اس کی صحت کے لیے نہایت ضروری ہے۔