چکوال،انٹر نیٹ سروس دوسرے روز بھی جذوی طورپر معطل رہی

چکوال(نامہ نگار) انٹر نیٹ سروس جذوی طورپر معطل رہی جس کی وجہ سے بینکوں کے علاوہ دیگر آن لائن پر کام کرنے والے اداروں کی کارکردگی بری طرح سے متاثر ہوئی۔ مجموعی طورپر بازاروں میں بھی مندے کا رجحان رہا کیونکہ دیگر شہروں سے آنے والے لوگوں کی آمد ورفت بھی متاثر رہی جس کی وجہ سے لوگوں کو مجموعی طورپر مشکلات کا سامنارہا۔ موسم کے حوالے سے چمکیلی دھوپ کی وجہ سے موسم خوشگوار رہا۔ اُدھر پی ٹی آئی کی طرف سے بھی ضلع چکوال میں کوئی قابل ذکر جلوس سامنے نہیں آیا البتہ تلہ گنگ سے آنے والے جلوس کے جو  گیارہ افراد گرفتار کیئے گئے تھے ان کی جوڈیشل مجسٹریٹ کی عدالت سے ضمانتیں منظور ہوگئیں اور انہوں نے بیس بیس ہزار روپے کا ضمانت نامہ داخل کرانے کے بعد رہا کرنے کا حکم دے دیا۔اُدھر ڈھڈیال سے بھی اسلام آباد جانے والے پی ٹی آئی کے ایک قافلے کو دھر لیاگیا جس میں سینئر قانون دان نیئر عباس اعوان بھی شامل ہیں۔