چائلڈ پروٹیکشن انسٹی ٹیوٹ  وزارت انسانی حقوق کا بڑا اقدام 

اسلام آباد(اپنے سٹاف رپورٹر سے)بچوں کا عالمی دن کے موقع پر ایک مشترکہ اقدام کے تحت، چائلڈ پروٹیکشن انسٹی ٹیوٹ(سی پی آئی)، نادرااور مشعل سکول کی تعاون سے، بری امام اسلام آباد میں ایک خصوصی تقریب کے دوران 100 سے زائد بچوں کا کامیابی سے اندراج کیا۔  یہ تقریب جو شناخت کے حق کو فروغ دینے کے لیے منعقد کیا گیا تھا، چائلڈ پروٹیکشن انسٹی ٹیوٹ اور نادرا کی جانب سے ترتیب دیا گیا،مقصد یہ تھا کہ تمام بچوں کو ضروری خدمات تک رسائی حاصل ہو، جس کا آغاز ان کی قانونی شناخت کے تسلیم کرنے سے ہو۔