رسالپورمیں پاکستان ایئرفورس گریجویٹس کی پاسنگ آؤٹ پریڈ کی تقریب میں خصوصی شرکت کے موقع پرخطاب کرتے ہوئےنیول چیف ایڈمرل آصف سندھیلہ کا کہنا تھا کہ پاکستان کو اس وقت اندرونی اور بیرونی چیلنجز کا سامنا ہے۔ انہوں نے کہا کہ پاک فضائیہ جدید ٹیکنالوجی سے لیس ہے اورافواج پاکستان عوام کی توقعات پر پورا اتریں گی۔ نیول چیف کا کہنا تھا کہ پاکستان امن چاہتا ہے اورملک کے تحفظ کے لئے ہرقدم اٹھائیں گے۔افواج پاکستان ہرقسم کے چیلنجز کا سامنا کرنے کے لئے تیار ہے۔