گوجرانوالہ جیل کی سالانہ انسپکشن کیلئے ڈی آئی جی راولپنڈی رینج ملک شوکت فیروزنے سنٹرل جیل گوجرانوالہ کا دورہ کیا جہاں انہوں نے جیل کے ڈسپلن،انتظامات،سیکیورٹی اوربارکوں کے ساتھ ساتھ لنگرخانےاورہسپتال کے معاملات کا جائزہ لیا۔ اس موقع پر ڈی آئی جی کی جانب سے تعریف کئے جانے اور نقد انعام کا اعلان سننے کے بعد جیل ملازمین میں خوشی کی لہردوڑ گئی اوروہ ڈھول کی تھاپ پررقص کرتے ہوئے دکھائی دیئے۔ ڈی آئی جی جیل خانہ جات ملک شوکت فیروز کے سامنے پریڈ ٹیم نے جب اپنے فن کا مظاہرہ کیا تو ڈی آئی جی نےان کی کارکردگی کو سراہتے ہوئے پریڈ ٹیم کیلئے دس ہزار جبکہ بینڈ ٹیم کیلئے پانچ ہزارروپے کا اعلان کیا۔ اعلان کرنے کے بعد جب ڈی آئی جی جیل خانہ جات اندر دورے پر چلے گئے تو پریڈ ٹیم نے تعریف کئے جانے اور انعام ملنے پر بینڈ اور ڈھول کی تھاپ پر رقص شروع کردیا اورپندرہ منٹ تک ناچتے رہے۔