فیصل آباد (نمائندہ خصوصی) فیصل آباد میں سچ مچ کے گڈے اور گڑیا کی شادی ہوئی۔ چھوٹے قد کے وسیم کو اپنی پسند کی دلہن مل گئی جبکہ عظمیٰ کو اپنے قد کا دولہا مل گیا۔  وسیم کی خوشی کا کوئی ٹھکانہ نہیں تھا۔ تین فٹ قد والا 22 سالہ وسیم گھوڑے پر سوار ہو کر اپنی دلہنیا کو لینے گیا۔ اس موقع پر باراتیوں کی بڑی تعداد موجود تھی جو بینڈ باجے کے ساتھ بھنگڑے ڈال رہے تھے۔ وسیم کی دلہن عظمیٰ کا قد بھی اس کے جتنا ہے۔ وسیم کا کہنا ہے کہ چھوٹا قد اس کی شادی میں رکاوٹ بنا ہوا تھا لیکن اب اسے ہمسفر مل گیا جس پر وہ بہت خوش ہے۔