لاہور(نمائندہ سپورٹس ) پاکستان کرکٹ ٹیم کے نوجوان کھلاڑی شاداب خان نے کہا ہے کہ دنیا کا نمبر ون آل رائونڈر بننا چاہتاہوں ۔ پاکستان سپر لیگ میں اسلام آباد یونائیٹیڈ کی نمائندگی کرنے والے آل رائونڈر نے بہت کم وقت میں نہ صرف پاکستان ٹیم میں ایک اہم رکن کی حیثیت سے خود کو منوایا ہے بلکہ بین الاقوامی سطح پر بھی ان کا شمار اب اچھے آل رائونڈر کی صف میں ہونے لگا ہے ۔ انہوں نے مزید کہا کہ خود کو اچھے آل رائونڈر کی حیثیت سے منوانا چاہتاہوں ۔ ہیڈ کوچ مکی آرتھر چاہتے ہیں کہ میں آسٹریلوی بگ بیش لیگ بھی کھیلوں ۔سری لنکا کیخلاف سیریز میں اپنی بیٹنگ کارکردگی سے مطمئن ہوں لیکن آنے والے دنوں میں چاہوںگا کہ پاکستان میں ڈومیسٹک کرکٹ کھیلوں ۔