سنگاپور ٹینس:ووزنیاکی اور کیرولین گارسیا نے سیمی فائنل کیلئے کوالیفائی کرلیا

سنگاپور(آئی این پی)سنگاپور ٹینس ٹورنامنٹ میں ڈنمارک کی کیرولین ووزنیاکی نے رومانیا کی عالمی نمبر ایک سیمونا ہیلپ کو ہرا دیا۔ دوسرے میچ میں فرانس کی کیرولین گارسیا کامیاب ہوئیں۔ دونوں پلیئرز نے ایونٹ کے سیمی فائنل کا ٹکٹ کٹوا لیا۔سنگاپور ٹینس ٹورنامنٹ کا کوارٹر کے فائنل مرحلے میں ڈنمارک کی کیرولین ووزنیاکی اور عالمی نمبر ایک سیمونا ہیلپ مد مقابل ہوئیں۔ ڈینش پلیئر نے حریف کے خلاف شاندار کھیل پیش کیا اور انہیں جم کر کھیلنے کا موقع نہ دیا۔ ہیلپ نے باآسانی 0-6 اور2-6سے فتح حاصل کرکے سیمی فائنل کا ٹکٹ کٹوایا۔ایونٹ کے ایک اور میچ میں فرانس کی کیرولین گارسیا اور یوکرائن کی الینا کے درمیان کانٹے کا مقابلہ ہوا۔ یوکرائن کی کھلاڑی نے دلچسپ کھیل کے بعد پہلا سیٹ 6-7 سے اپنے نام کیا۔ فرانس کی کیرولین نے کم بیک کرکے دوسرے سیٹ میں 3-6 سے کامیابی حاصل کی۔تیسرے سیٹ میں اعصاب شکن مقابلے کے بعد فرانس کی پلیئر نے 5-7 سے میدان مار لیا۔ اس جیت نے انہیں ایونٹ کے سیمی فائنل میں پہنچا دیا۔