کراچی (پ ر) جے سی آر -وی آئی ایس کریڈٹ ریٹنگ کمپنی نے غیر منافع بخش تنظیموں کی فہرست میں دی سیٹیزن فائونڈیشن ( ٹی سی ایف) کی ریٹنگ GR-9سے بڑھا کر GR-9+ ( جی آر نائن پلس) کردی۔ 1سے 10تک کی اس ریٹنگ میں GR-9+کا مطلب ’گورننس کا اعلیٰ معیار ‘ ہے۔ گزشتہ ریٹنگ کا اعلان 24فروری2016کو کیا گیا تھا۔ ریٹنگ میں اضافہ ٹی سی ایف کی اعلیٰ کارکردگی اور متوسط طبقہ کیلئے بہترین تعلیمی سہولیات فراہم کرنے کے عزم کو ظاہر کرتا ہے کہ یہ ادارہ تیزی سے اپنی صلاحیتوں میں اضافہ کرکے ضرورت مند افراد اور بچوں میں تعلیم عام کر رہا ہے۔ غیر منافع بخش تنظیم کی گورننس ریٹنگ متعین کرنے کیلئے ادارہ کی ریگولیٹری کمپلائنس ، فنڈز کا مؤثر استعمال، گورننس کا انفرااسٹرکچر اور ادارے کے بورڈ کا مثبت طریقہ کار اور اندرونی اقدامات میں شفافیت کو مد نظر رکھا گیا ہے۔