پولیس لائنز قلعہ گجر سنگھ میںجاری میڈیکل کیمپ پانچویںروز اختتام پذیر

لاہور(نمائندہ خصوصی)ڈی آئی جی آپریشنز لاہور اشفاق خان کی ہدایت پرڈسٹرکٹ پولیس لائنز قلعہ گجر سنگھ میں محکمہ صحت کے ہیپاٹائٹس کنٹرول پروگرام کے تعاون سے جاری میڈیکل کیمپ پانچویںروز اختتام پذیرہوگیاجس میں ماہر ڈاکٹرزنے پولیس افسران و اہلکاروں کے ہیپاٹائٹس بی، سی کے مفت ٹیسٹ کئے اور ہیپاٹائٹس سے بچاؤ کیلئے ویکسینشن بھی کی ۔ایس پی ہیڈ کوارٹرز سید کرار حسین نے ٹی ایچ کیو ہسپتال میں میڈیکل کیمپ کا معائنہ بھی کیااور انتظامات کا جائزہ لیا۔ایس پی ہیڈ کوارٹرز سید کرار حسین کا کہنا تھا کہ پولیس ملازمین کی فزیکل فٹنس کو برقرار رکھنے اور ہیپاٹائٹس سے بچاؤ کے لیے میڈیکل کیمپ کا اہتمام کیا گیا ۔