ناروال/ گجرات (نامہ نگاران) نارووال میں پسرور روڈ پر تیز رفتار کوسٹر کی موٹرسائیکل کو ٹکر سے بہن بھائی جبکہ گجرات میں بس نے رکشہ کچل دیا جس سے 45 سالہ خاتون اور 5 سالہ بچہ جاں بحق ہوگئے۔ تفصیلات کے مطابق نارووال میں پسرور روڈ پر شہباز موٹرسائیکل پر اپنی بہن نسیم بی بی کے ہمراہ نارووال آ رہا تھا کہ موضع ڈونگیاں کے قریب تیز رفتار کوسٹر کی ٹکر سے دونوں بہن بھائی موقع پر ہی دم توڑ گئے۔ گجرات میں بوکن موڑ کے قریب بس نے رکشے کو ٹکر مار دی جس سے رکشہ میں سوار 45 سالہ رخسانہ بی بی اور پانچ سالہ ریحان جان بحق ہو گئے جبکہ 17 سال سیف زخمی ہو گیا۔