کراچی ،این ای ڈی ایتھلیٹکس چیمپئن شپ کا انعقاد 

کراچی ( اسپورٹس رپورٹر) بزنس انکیوبیشن سینٹر این ای ڈی کے اسٹارٹ آپ ٹرینڈ ٹو چینچ ورلڈ(ٹی سی ڈبلیو)کے اشتراک سے جامعہ کے مسکن گیٹ تا ٹارٹن ٹریک کیا گیا۔ریس میں قریبا360 طالب علموں نے شرکت کی۔ڈھائی کلومیٹر کی ریس طالب علم علی حسن نے مقررہ فاصلہ8 منٹ 4 سیکنڈ میں طے کرکے جیت لی جب کہ فقیر احمد نے دوسری اور عبد الواحد نے تیسری پوزیشن حاصل کی. گرلز میں سمعیہ الماس نے سب سے پہلے 12منٹ  44 سیکنڈ میں فنشنگ لائن عبور کی.اوشنا جاوید دوسرے اور لائبہ وسیم تیسرے نمبر پر رہیں۔اسٹارٹ اپ ٹی سی ڈبلیو کہ نمایندہ زرمینہ خان نے کہا کہ جامعہ کی سطح پر جسمانی ایکٹیویٹی کروانے کا مقصد جسمانی و ذہنی صحت کی بہتری کی جانب قدم اٹھانا ہے۔وائس چانسلر این ای ڈی پروفیسر ڈاکٹر سروش حشمت لودھی نے کہا کہ کھیلوں کے فروغ میں جامعہ این ای ڈی اہم کردار ادا کرتی رہی ہے، یہی وجہ ہے کہ ہماری جامعہ نے ملک کو مایہ ناز کھلاڑی دیے ہیں. ۔