تخفیف غربت و سماجی تحفظ ڈویڑن کے زیر اہتمام محفل میلاد کا انعقاد

اسلام آباد، (نمائندہ خصوصی) تخفیف غربت و سماجی تحفظ ڈویڑن کے زیر اہتمام محفل میلاد کا انعقاد کیا گیا۔سیکرٹری، تخفیف غربت اور سماجی تحفظ ڈویڑن محمد علی شہزادہ نے صدارت کی اور حضور اکرم ؐ کی زندگی کے مختلف پہلوؤں پر روشنی ڈالی۔ ایڈیشنل سیکرٹری سعید احمد نواز نے بھی سیرت النبی ؐ کے نمایاں پہلوؤں کو اجاگر کیا ۔اور اس بات پر زور دیا کہ حضور ؐ کی زندگی پوری انسانیت کے لیے مشعل راہ ہے۔تقریب سے خطاب کرتے ہوئے پارلیمانی سیکرٹری سیف الرحمن نے کہا کہ امن، رواداری، انسانی حقوق اور انسانیت سے محبت کا لازوال پیغام دینے والے نبی کریم ؐ کی تعلیمات پر عمل کرنا ہمارا دینی فریضہ ہے۔محفل میلاد میں نعت خوانی بھی کی گئی۔