ٹینس سٹار عشنا سہیل کاانگلینڈ میں ٹریننگ کرنے کا فیصلہ 

لاہور( سپورٹس رپورٹر)پاکستان کی ٹینس سٹار عشنا سہیل نے انگلینڈ میں ٹریننگ کرنے کا فیصلہ کیا ہے اس دوران وہ لندن کی لان ٹینس ایسوسی ایشن کے زیر اہتمام ہونے والے ٹورنامنٹس میں بھی شرکت کریں گی۔ عشنا سہیل نے کہا کہ مستقبل کے ایونٹس کیلئے لندن میں ٹریننگ حاصل کرنے کا فیصلہ کیا ہے، یہاں ٹریننگ کی ہے اور اس کیساتھ باقاعدگی سے ٹورنامنٹس بھی ہوتے ہیں جن میں سخت مقابلہ ہوتا ہے۔ چار ہفتے لندن میں ٹریننگ کروں گی اور ٹورنامنٹس بھی کھیلوں گی۔ سائوتھ ایشین گیمز اور فیڈ کپ کی تیاری کا اچھا موقع ملے گا، میں انٹرنیشنل ایونٹس میں اچھی کارکردگی کیلئے لندن میں ٹینس کھیل رہی ہوں۔پاکستا ن کیلئے ٹائٹل حاصل کرنا میرا ہدف ہے۔