لاہور(کلچرل رپورٹر) لاہور آرٹس کونسل الحمراء میں کشمیریوں کی حصول آزادی کی کوششوں کی ترجمانی کرتے فن پاروں پر مبنی نمائش کا آج افتتاح کیا جائے گا۔ایگزیکٹوڈائریکٹر الحمراء ذوالفقار علی زلفی نے کہا کہ مصوروں نے کشمیر یوں پر بھارتی تسلط کی ترجمانی کی ہے، بھارتی بربریت کشمیریوں کی آواز نہیں دبا سکتی،دْنیا کے سامنے بلیک ڈے میں آویزاں فن پاروں میں کشمیریوں کی آزادی کی جدوجہد کو لوگوں کے سامنے پیش کیا جائے گا،الحمراء کشمیریوں کی ثقافت کوبھرپور انداز میں اْجاگر کررہا ہے۔جبکہ الحمراء آرٹ میوزیم میں آرٹسٹ ٹاک کا انعقاد کل ہوگا۔عالمی شہر ہ آفاق آرٹسٹ عبد الرحمان چغتائی کے فن و شخصیت پر گفتگو کی جائیگی۔نامور آرٹسٹ ڈاکٹر اعجاز انور نوجوانوں کو عبد الرحمان چغتائی کی خدمات سے آگا ہ کریں گے۔ ایگزیکٹوڈائریکٹر الحمراء ذوالفقارعلی زلفی نے اس حوالے سے کہا کہ عبد الرحمان  چغتائی نے مصوری کے فن کو نئی جہتیں بخشیں۔