لاہور(سپورٹس رپورٹر)آئی سی سی مینز ورلڈ کپ ٹورنامنٹ میںآج پاکستان اور جنوبی افریقة کی ٹیمیں آمنے سامنے ہوں گی۔ یہ میگا ایونٹ کا 26واں میچ ہوگا اور دن 1 بجکر 30 منٹ پرچنئی میں شروع ہوگا۔پاکستان کی ٹیم میگا ایونٹ میں اپنا چھٹا میچ کھیلے گی۔میگا ایونٹ میں پاکستان اور جنوبی افریقا کی ٹیمیں پانچ ، پانچ میچ کھیل چکی ہیں جن میں پاکستان کی ٹیم دو میچز جیت چکی اور تین میں شکست کا سامنا کرنا پڑا تھا ۔ جنوبی افریقہ کی ٹیم بھی پانچ میچ کھیل چکی ہے اور چار میچ میں فتح اور ایک میں شکست ہوئی تھی۔ورلڈکپ کے 25ویں میچ میں سری لنکا نے انگلینڈ کو 8 وکٹوں سے شکست دےدی، اسکے ساتھ ہی سری لنکن ٹیم بھی سیمی فائنل کی دوڑ میں شامل ہوگئی۔انگلینڈ کی جانب سے دیا گیا 157 رنز کا ہدف لنکن بیٹرز نے 26ویں اوور میں حاصل کرکے ٹیم کے رن ریٹ میں بھی قابلِ ذکر اضافہ کردیا۔ بنگلور میں کھیلے گئے اس میچ میں انگلینڈ نے ٹاس جیت کر پہلے بیٹنگ کرنے کا فیصلہ کیا۔ اننگز کا آغاز جونی بیرسٹو اور ڈیوڈ ملان نے کیا تاہم یہ پارٹنر شپ 6.3 اوورز تک قائم رہی۔پہلی وکٹ 45 رنز پر گری جس کے بعد وقفے وقفے سے مزید 6 وکٹیں 25.5 اوورز میں 123 رنز پر گر گئیں۔بین سٹوکس نے ٹیم کو سنبھالا لیکن دوسری جانب سے وکٹیں گرنے کا سلسلہ جاری رہا اور پوری انگلش ٹیم 33.2 اوور میں 156 رنز بنا کر پویلین لوٹ گئی۔ بین سٹوکس نے سب سے زیادہ 43 رنز بنائے جبکہ جونی بیئرسٹو نے 30 اور ڈیوڈ ملان نے 28 رنز کی اننگز کھیلیں۔ معین علی نے 15 اور ڈیوڈ ویلی نے 14 رنز بنائے۔ لہیرو کمارا نے 3 کھلاڑیوں کو آو¿ٹ کیا، اینجیلو میتھیوزاور کاسن رجیتھا نے دو دو جبکہ مہیش ٹھیکشنا نے ایک وکٹ لی۔ ہدف کے تعاقب میں سری لنکا کا آغاز بھی اچھا نہ تھا۔ پہلی وکٹ 9 کے مجموعے پر گری جب کوشل پریرا 4 رنز بنا کر آو¿ٹ ہوئے اور دوسری وکٹ 23 کے سکور پر گری جب کپتان کوشل مینڈس 11 رنز بنا کر پویلین لوٹے۔ دونوں کو ڈیوڈ ویلی نے آو¿ٹ کیا۔ پاتھم نسانکا اور سدیرا سماراوکراما نے تیسری وکٹ پر ناقابلِ شکست 137 رنز بنا کو انگلینڈ کو 8 وکٹوں سے شکست دی‘ہدف 25.4اوورز میں 160رنز بناکر حاصل کرلیا۔ لہیرو کمارا کو میچ کا بہترین کھلاڑی قرار دیا گیا۔ جیت کے ساتھ ہی سری لنکن ٹیم بہتر رن اوسط کےساتھ پانچویں پوزیشن پر آگئی جبکہ پاکستان ٹیم چھٹے نمبر پر چلی گئی۔انگلینڈ کا شکست کے ساتھ سیمی فائنل میں سفر مشکل ہو گیا ہے ۔ انگلش ٹیم نے پانچ میچ کھیلے چار میں شکست ہوئی اور صرف ایک میں کامیابی ملی ہے ۔