قومی کرکٹرز کی چنئی میں پریکٹس، حسن علی کو بخار آج، شرکت مشکوک

لاہور(سپورٹس رپورٹر)آئی سی سی کرکٹ ورلڈ کپ میں جنوبی افریقہ کےخلاف اہم میچ سے قبل پاکستان ٹیم کے کئی کھلاڑیوں نے پریکٹس پر آرام کو ترجیح دی تاکہ میچ میں تازہ دم ہوکر ایکشن میں ہوں۔فاسٹ باﺅلرز شاہین آفریدی، حارث روف، حسن علی ، محمد رضوان، عبداللہ شفیق ، اسامہ میر اور محمد نواز نے آرام کو ترجیح دی۔ بابر اعظم، شاداب خان، امام الحق، افتخار احمد، فخر زمان ، سلمان علی آغا، وسیم جونیئر اور سعود شکیل ابرار احمد، محمد حارث اور زمان خان نے پریکٹس سیشن میں حصہ لیا۔ فاسٹ باﺅلر حسن علی بخار میں مبتلا ہوگئے۔ جنوبی افریقہ کےخلاف میچ میں شرکت مشکوک ہے۔ محمد وسیم جونیئر کو کھلائے جانے کا امکان ہے۔ کپتان بابر اعظم نے کھلاڑیوں کا مورال بلند کرنے کیلئے لیکچر دیتے ہوئے کہاہے کہ ہم ایسا کئی بار کر چکے ہیں کہ نیچے سے اوپر اٹھتے ہیں۔ پہلی بار نہیں ہوا، ایسا پہلے بھی ہوچکا ہے اور اس وقت بھی پاکستان ٹیم نیچے سے اوپر آئی۔ جب ہم نیچے سے اٹھتے ہیں تو سیدھا ٹاپ پر جاتے ہیں۔