اللہ نے لْک ہی ایسی دی ‘ہنسوں بھی تو لوگ ڈر جاتے ہیں: ساجد خان

لاہور(سپورٹس رپورٹر)قومی ٹیم کے آف سپنر ساجد خان نے میچ جیتنے کے بعدکہا کہ اللہ نے انہیں لْک ہی ایسی دی ہے اگر وہ ہنسیں بھی تو لوگ ڈر جاتے ہیں۔ ہم نے کسی کو نہیں ڈرایا ہے، اللہ نے لْک اور آنکھیں ہی ایسی دی ہیں کہ ہنسیں بھی تو لوگ ڈر جاتے ہیں،اس میں میرا کیا قصور ہے۔ پاکستان کے عوام کو اس جیت کی ضرورت تھی۔ بڑے سٹارز کی پاکستان کیلئے بڑی خدمات ہیں، سینئرز ہوں یا جو نیئرز ، سب پاکستان کیلئے کھیلتے ہیں۔ساجد خان نے کہا کہ واپسی کا کچھ دبا ئو تو ضرور تھا لیکن اتنا زیادہ نہیں تھا ، باقی ٹیم میں کپتان، نائب کپتان، وکٹ کیپر سمیت سب ساتھ تھے اور ٹیم کا آپس میں اچھا گٹھ جوڑ تھا، ہم ڈومیسٹک کرکٹ بھی ساتھ کھیلتے ہیں، اس طرح کی وکٹوں پر کھیلنے کا تجربہ بھی ہے، اس لئے زیادہ دباؤ نہیں تھا۔