نارنگ منڈی(نمائندہ نوائے وقت)صدر غلہ منڈی ملک شاہنواز کے بیٹے ملک سہیل پر فائرنگ شدید زخمی حالت میں لاہور رمنتقل کردیاگیا بھائی کی مدعیت میں 4 ملزموں کیخلاف مقدمہ درج کرلیاگیا ملزموں کی عدم گرفتاری پر غلہ منڈی کے آڑھتیوں نے گول چکر پر نارنگ کی داخلی شاہراہ کو بلاک کر کے احتجاجی مظاہرہ کیااور موقف اختیار کیا کہ ملزموں نے دن دیہاڑے فائرنگ کرکے کاروباری شخصیت کو زخمی کیا اور خوف وہراس پھیلایا ملزمان کو گرفتار کرکے قانونی تقاضے پورے کئے جائیں شاہراہ بلاک ہونے سے ٹریفک معطل ہوگئی اور گاڑیوں کی لمبی قطاریں لگ گئیں۔ایس ایچ اوتھانہ نارنگ شاہ فیصل بھاری نفری کے ہمراہ موقع پر پہنچ گے اور مظاہرین کو یقین دہانی کرائی گئی کہ فوری مقدمہ درج کرلیا گیا ہے ملزمان کو جلد گرفتار کر لیا جائیگا۔