مغلپورہ: دیرینہ دشمنی پر فائرنگ‘35سالہ نوجوان قتل

 لاہور(نامہ نگار) مغلپورہ میں نامعلوم افراد نے فائرنگ کر کے 35 سالہ نوجوان کو قتل کر دیاگیا ۔ مغلپورہ کے علاقے میں نامعلوم موٹر سائیکل سواروں نے اندھا دھند فائرنگ کر کے 35 سالہ ارشد کوموت کے گھاٹ اتار دیا اور فرار ہو گئے ہیں۔اطلاع ملنے پر پولیس نے موقع پر پہنچ کر فرانزک ٹیم کی مدد سے شواہد اکٹھے کئے اورنعش قبضے میں لیکر پوسٹ مارٹم کیلئے مردہ خانے منتقل کر کے تفتیش شروع کردی ۔ پولیس کے مطابق سی سی ٹی وی کیمروں کی مدد سے ملزموں کی شناخت کی کوشش کی جا رہی ہے۔واقعہ دیرینہ دشمنی کا شاخسانہ معلوم ہوتا ہے۔