لاہور(نامہ نگار)سی ٹی او لاہور عمارہ اطہر نے شہید احمد مبین پولیس لائنز مناواں کا دورہ ہے۔اس موقع ہے ڈی ایس پی ہیڈکوارٹرز، ریزو انسپکٹر، انچارج موٹر ٹرانسپورٹ و دیگر عملہ بھی موجود تھا۔سی ٹی او لاہور نے مناواں لائنز میں ایم ٹی سیکشن، وردی گودام،  لائسنس سینٹر،مناواں لائنز کی سیکیورٹی اور مخلتف چیک پوسٹوں کا وزٹ کیا۔انہوں نے موٹرسائیکلوں کی انسپکشن کی اور کہا کہ ہر گاڑی کا ہوٹر، ہیڈ لائٹس، انڈیکیٹرز، ریوالونگ لائٹ درست حالت میں ہوں۔گاڑیوں کا مکینکل الیکٹریکل و دیگر ضروری کاموں کو بروقت کروایا جائے۔ٹریفک ریسپانس یونٹ کے فلیٹ میں مزید موٹرسائیکلوں، گاڑیوں کا اضافہ کیا جارہا ہے،ٹریفک فلیٹ بہتر ہونے سے سرکاری امور کی انجام دہی میں مزید بہتری آئے گی۔