وزیر اعلیٰ کی حافظ آباد آمد کے سلسلہ میں کمشنر گوجرانوالہ کا ڈسٹرکٹ کمپلیکس کا دورہ 

حافظ آباد(نمائندہ نوائے وقت) وزیر اعلیٰ پنجاب مریم نواز کے دورہ حافظ آباد کے سلسلہ میں کمشنرنوید حیدر شیرازی اور آر پی او طیب حفیظ نے ڈسٹرکٹ کمپلیکس حافظ آباد کا دورہ کیا۔ جہاں انہوں نے وزیر اعلیٰ پنجاب کی آمد کے سلسلہ میں کیے جانے والے انتظامات کا جائزہ لیا۔  ڈپٹی کمشنر عبد الرزاق ،ڈی پی او فیصل گلزار ، ضلعی انتظامیہ اور محکمہ زراعت کے افسران بھی انکے ہمراہ تھے ۔ وزیر اعلیٰ پنجاب مریم نواز کل 28بروز سوموار کو حافظ آباد کا دورہ کرینگی جہاں وہ مقامی کاشتکاروں میں کسان کارڈتقسیم کرینگی ۔ کمشنر اور آرپی او نے وزیر اعلیٰ کی آمد کے سلسلہ میں ڈسٹرکٹ کمپلیکس میں بنائے جانے والے ہیلی پیڈ، کسان کارڈ تقسیم کرنے اورمعززین سے خطاب کے مقام کا دورہ کر تے ہوئے وہاں سکیورٹی اور دیگر انتظامات کا جائزہ لیا۔