لاہور+کاموکی اوکاڑہ + حجرہ شاہ مقیم+ پیر محل+ گوجرہ (این این آئی+ نمائندگان) لاہور الیکٹرک سپلائی کمپنی کی جانب سے بجلی چوروں کے خلاف آپریشن گزشتہ روز بھی جاری رہا۔ اوکاڑہ میں لیسکو ٹیموں نے عرفان اللہ ساکن 442L ۔ کرمانوالہ میں سجاد حسن بودلہ ساکن چک نمبر کے زرعی کنکشن سے بجلی چوری پکڑ لی۔ پیپلز کالونی میں دو گھریلو کنکشنز پکڑ کر مقدمات درج کرا دیئے۔ حجرہ شاہ مقیم میں لیسکو ٹیم پر گاؤں شہینوال میں بااثر بجلی چور مظہر قریشی اور سبطین قریشی نے اپنے تین نامعلوم ساتھیوں کے ہمراہ میٹر ریڈر ساجد کو شدید تشدد کا نشانہ بنایا۔ پیر محل میں فیسکو ٹیموں نے پانچ صارفین خرم شہزاد ساکن 189 گ ب، محمد امین ساکن 746 گ ب، اللہ دتہ ساکن 719 گ ب، محمد رمضان ساکن موضع رام پور اور غلام علی ساکن 761 گ ب شامل کو بجلی چوری کرتے رنگے ہاتھوں پکڑ لیا اور مقدمات درج کرا دیئے۔ گوجرہ کے 357 ج ب میں الطاف حسین کو بجلی چوری کرتے رنگے ہاتھوں پکڑ لیا۔ دریں اثناء واہنڈوپولیس نے گیپکو کی درخواستوں پربجلی چوری کرنے والے نواحی گاؤں گوناعورکے ملک حسنین،تمبولی کے لقمان،کلوکلاںکے عدنان اورڈیرہ نورعالم کے شاہ نوازکیخلاف مقدمات درج کرلیے۔