کئی گھروںمیںڈاکے،متعددراہگیرلٹ گئے، گاڑیاں، موٹر سائیکلیں چوری

لاہور(نامہ نگار) ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے سندر کے علاقے میں منظور کے گھر میں گھس کر ساڑھے 5 لاکھ روپے مالیت کی نقدی، طلائی زیورات، موبائل فون اور دیگر سامان، شاہدرہ کے علاقے میں شاہد اور اس کی فیملی  سے3 لاکھ 90 ہزار روپے مالیت کی نقدی، زیورات اور موبائل فون، شیراکوٹ کے علاقے میں جمیل سے 2لاکھ 12 ہزار نقدی اور موبائل فون، باٹا پور کے علاقے میں اسلم  سے ایک لاکھ 22 ہزار روپے اور موبائل فون، مصطفیٰ ٹاؤن میں پرویز سے لاکھ 75 ہزار روپے، مانگا منڈی میں محمد یعقوب سے 90ہزار روپے اور موبائل فون، مصطفیٰ ٹاؤن میں انور سے 75 ہزار روپے اور موبائل فون، اچھرہ کے علاقے میں ضیاء سے 60ہزار روپے اور موبائل فون، لوئر مال کے علاقے میں مجید سے 55ہزار روپے اور موبائل فون، سول لائن کے علاقے میں عبداللہ سے 17ہزار روپے اور موبائل فون، فیصل ٹاؤن کے علاقے میں اختر سے7 ہزار روپے اور موبائل فون لوٹ لیا۔ چوروں نے ہنجروال، لیاقت آباد، رائیونڈ اور ہربنس پورہ کے علاقوں سے 4 گاڑیاں جبکہ مصری شاہ، باغبانپورہ، برکی، ریس کورس، گرین ٹائون، مغلپورہ، مزنگ، لوئر مال اور مانگا منڈی کے علاقوں میں سے 9موٹر سائیکلیں چوری کر لی گئیں۔