شامیانوں میں آتشزدگی سے سامان جل گیا

کلر سیداں (نامہ نگار)کلر سیداں کے نواحی علاقے میں شعر خوانی کیلئے لگائے گئے شامیانوں پر آگ لگنے سے پانچ عدد قنوپیاں،ڈیڑھ درجن سے زائد چٹائیاں،کرسیوں اور میزوں کے کورز اور دیگر کیٹرنگ کا سامان جل گیا۔اطلاع کے مطابق کلر سیداں کے علاقے بھکڑال میں شادی کے سلسلے میں شعر خوانی کا پروگرام جاری تھا اور صبح 3بجے کے قریب پروگرام ختم ہوتے ہی اچانک آگ بھڑک اٹھی جس نے وہاں موجود سارے سامان کو اپنی لپیٹ میں لے لیا۔کیٹرنگ کے مالک منگت حسین کے مطابق یہ شرارت کسی سوچے سمجھے منصوبے کے مطابق کی گئی ہے۔نقصان کا اندازہ 8 لاکھ روپے سے زائد کا بتایا جاتا ہے۔