مری(بیورو رپورٹ)ڈسٹرکٹ پولیس آفیسرمری آصف امین اعوان نے کہا ہے کہ نوجوان نسل کی رگوں میں منشیات کازہراتارنے والے منشیات فروشوں کیخلاف کریک ڈاؤن کیاجارہا ہے جرائم پیشہ عناصر کیخلاف بھی بھرپور کاروائیاں جاری ہیں ان کیساتھ سختی سے نمٹاجائیگا، امن وامات میں ہرگز خلل ڈالنے نہیں دیاجائیگا،ڈی پی اومری کی خصوصی ہدایات پرضلع مری پولیس کا منشیات فروشوں کے خلاف کریک ڈاؤن،6 منشیات فروش گرفتار، منشیات فروشوں سے 4 کلو 240 گرام چرس اور10 لیٹر شراب برآمد کرکے مقدمات درج کرلئے گئے،پھگواڑی پولیس نے ملزم محمد فرید ولد مسکین خان سکنہ الائی ضلع بٹگرام کو گرفتار کر کے ملزم کے قبضے سے 01 کلو 60 گرام چرس برآمد کر کہ مقدمہ درج کر لیا،تھانہ مری پولیس نے ملزم محمد عمیر ولد محمد شریف سکنہ موچی منڈی لوئر بازار مری کو گرفتار کر کے ملزم کے قبضے سے 01 کلو 250 گرام چرس برآمد کر کے مقدمہ درج کر لیا۔