کولمبومیں کھیلے گئے میچ میں نیوزی لینڈ نے پہلے کھیلتے ہوئے مقررہ بیس اوورز میں سات وکٹوں کے نقصان پر ایک سوچوہتررنز بنائے۔
اوپنر راب نکول اٹھاون اور مارٹن گپٹل اڑتیس رنز بنا کرآؤٹ ہوئے، برینڈن میک کیلم نے پچیس اور راس ٹیلر نے تئیس رنز کی اننگز کھیلی۔
جواب میں سری لنکا کی ٹیم بھی مقررہ بیس اوورز میں ایک سو چوہتررنز بناسکی۔
تلکررتنے دلشان نے سب سے زیادہ چھہتررنز بنائے، جبکہ کپتان مہیلا جے وردھنے چوالیس رنزبنا کرآؤٹ ہوئے۔
میچ کو فیصلہ کن بنانے کیلئے سپراوورکا استعمال کیا گیا جس میں میزبان سری لنکا نے نیوزی لینڈ کو سات رنز سے شکست دیدی۔
سری لنکا کے چودہ رنز کے جواب میں کیوی ٹیم صرف سات رنز ہی بناسکی۔