کراچی (اے پی پی) شاہد آفتاب نے جوبلی انشورنس تیسری نیشنل رینکنگ سنوکر چیمپئن شپ کا ٹائٹل اپنے نام کر لیا۔ شاہد آفتاب نے فائنل میں عبدالستار کو دلچسپ مقابلے کے بعد 7-4 فریمز سے زیر کر کے ٹائٹل جیتنے کا اعزاز حاصل کیا۔ اس ٹائٹل کے ساتھ ہی شاہد آفتاب نے رواں برس لٹویا میں شیڈول آئی بی ایس ایف ورلڈ سنوکر چیمپئن شپ کیلئے بھی قومی ٹیم میں جگہ بنا لی۔ ورلڈ سنوکر چیمپئن شپ نومبر میں لٹویا میں منعقد ہو گی۔ اختتامی تقریب کے موقع پر قومی کرکٹ ٹیم کے سٹار آل راﺅنڈر شاہد خان آفریدی بھی موجود تھے۔