انچیون (سپورٹس رپورٹر) ایشین گیمز 2014ء کے ساتویں روز پاکستان ویمن کرکٹ ٹیم کے علاوہ دیگر کھیلوں میں قومی کھلاڑیوں کی کارکردگی انتہائی مایوس کن رہی  والی بال، شوٹنگ اور سوئمنگ میں پاکستانی کھلاڑی اچھی کارکردگی دکھانے میں ناکام رہے جبکہ باکسنگ میں نادر بلوچ، احمد علی کا راونڈ 16 میں سفر اختتام پذیر ہو گیا۔ باکسنگ کے91 کلو گرام ہیوی ویٹ کیٹگری میں پاکستان کے ثنا اﷲ نے سعودی عرب کے محمد علی کو تین صفر سے زیر کر کے کوارٹر فائنل میں جگہ بنا لی۔ کامن ویلتھ گیمز کے سلور میڈلسٹ محمد وسیم آج ایکشن میں دکھائی دینگے۔ گذشتہ روز ہونے والے دیگر مقابلوں میں 56 کلو گرام بینٹم ویٹ کے راونڈ 16 میں پاکستان کے نادر بلوچ بھارتی کھلاڑی شیوا تھاپا کے ہاتھوںناک آوٹ ہو کر مقابلے سے باہر ہو گئے۔