مشفق الرحیم پاکستان کے خلاف نروس نائنٹیز کا شکار، ایک رن کے فرق سے سنچری سے محروم

ابوظہبی (اے پی پی) بنگلہ دیشی ٹیم کے وکٹ کیپر بلے باز مشفق الرحیم ایشیا کپ کرکٹ ٹورنامنٹ میں پاکستان کے خلاف سپر فور مرحلے کے میچ میں نروس نائنٹیز کا شکار ہو گئے اور صرف ایک رن کے فرق سے سنچری مکمل نہ کر سکے۔ بدھ کو پاکستان کے خلاف کھیلے گئے میچ میں مشفق الرحیم نے مشکل وقت میں انتہائی شاندار بلے بازی کا مظاہرہ کیا، وہ سنچری سے صرف ایک رن کی دوری پر تھے کہ 99 کے سکور پر شاہین شاہ آفریدی کی گیند پر کیچ آئوٹ ہو گئے۔