لاہور چیمبر الیکشن: پیاف فاؤنڈرز الائنس کے امیدواروں کو برتری

لاہور (کامرس رپورٹر)لاہور چیمبر آف کامرس اینڈ انڈسٹری کے ایسوسی ایٹ کلاس کی 8نشستوں کے انتخاب کے لئے رات گئے ووٹوں کی گنتی مکمل نہیں ہو سکی۔ آخری اطلاعات کے مطابق پیاف فائونڈرز الائنس کے امیدوار وں کے ووٹ ان کے مدمقابل لاہور بزنسمین فرنٹ کے امید واروں سے زیادہ تھے ۔لاہور چیمبر آف کامرس اینڈ انڈسٹری کے ایسوسی ایٹ کلاس کے انتخابات کے لئے الیکشن کمشن کے ذرائع نے بتایا  تقریباً  4750 ووٹ کاسٹ ہوئے ۔ ووٹ زیادہ ہو نے کے باعث ووٹوں کی گنتی میں تاخیر ہوئی۔ واضح رہے ایسوسی ایٹ کلاس کے انتخابات کے لئے ووٹوں کی کل تعداد 10670ووٹ ہے۔