حافظ آباد (نمائندہ خصوصی+ نامہ نگار + نمائندہ نوائے وقت) ڈھاب والہ کے قریب تیز رفتار ٹریکٹر ٹرالی کی ٹکر سے ماں اور اسکی اڑھائی سالہ بیٹی جاں بحق جبکہ دو افراد شدید زخمی ہوگئے۔ تفصیلات کے مطابق گوجرانوالہ کی رہائشی 30 سالہ عشرت زوجہ شاہد علی اپنی اڑھائی سالہ بیٹی ربیعہ نور اور بھتیجے علی احمد کے ہمراہ موٹر سائیکل پر سوار ہو کر حافظ آباد میں ایک فوتیدگی پر افسوس کے لئے آرہے تھے کہ تیز رفتار ٹریکٹر ٹرالی نے آگے جانے والے دوموٹر سائیکلوںکو ٹکر دے ماری۔ جس سے ماں بیٹی جاں بحق جبکہ علی احمد اور آمنہ شدید زخمی ہو گئے۔ شہریوں نے ڈرائیور کو پکڑ کر پولیس کے حوالے کر دیا۔ یہ امر قابل ذکر ہے کہ حافظ آباد شہر میں ٹریفک پولیس کی غفلت اور لاپرواہی کے باعث آئے روز حادثات رونما ہو رہے ہیں۔