سی این ایس ہاکی ٹورنامنٹ کے سیمی فائنل   آج کھیلے جائیں گے، فائنل  کل ہو گا

کراچی (اسپورٹس رپورٹر )چیف آف نیول سٹاف ہاکی ٹورنامنٹ کے سیمی فائنل (آج) پیر کو عبدالستار ایدھی ہاکی اسٹیڈیم کراچی میں کھیلے جائیں گے ،فائنل میچ منگل کو کھیلا جائے گا۔ تفصیلات کے مطابق پہلے سیمی فائنل میں پاکستان واپڈا اور پاکستان نیوی کی ٹیمیں دوپہر 2بجے مد مقابل ہونگی،دوسرا سیمی فائنل دفاعی چمپئن نیشنل بینک اور ماڑی پیٹرولیم کے درمیان 4 بجے کھیلا جائیگا، ٹورنامنٹ میں 8 ٹیمیں حصہ لے رہی ہیں جن میں پاکستان واپڈا، پاکستان نیوی، نیشنل بینک ماڑی پیٹرولیم،پنجاب پورٹ قاسم، پاکستان آرمی اور ایئر فورس کی ٹیمیں شامل ہیں۔