سندھ میں پیپلز پارٹی کی کارکردگی تمام صوبائی حکومتوں سے بہتر: بلاول

کراچی (آئی این پی+ نوائے وقت رپورٹ) پیپلز پارٹی کے چئیرمین بلاول بھٹو زرداری نے ہرنائی میں سکیورٹی فورسز کی گاڑی پر حملے کی شدید مذمت کرتے ہوئے کہا ہے کہ دشتگردی کے خلاف جنگ میں سکیورٹی فورسز کی قربانیاں بے مثال ہیں۔ پیپلز پارٹی کے چیئرمین بلاول بھٹو زرداری نے واقعے میں سکیورٹی فورسز کے جوانوں کی شہادت پر افسوس  اور شہداء کے لواحقین سے دلی تعزیت و یکجہتی کا اظہار کیا۔ بلاول بھٹو نے نوابزادہ نصراللہ خان کو ان کی اٹھارویں برسی پر خراج عقیدت پیش کرتے ہوئے کہا ہے کہ جمہوریت کیلئے جدوجہد کی تاریخ نوابزادہ نصراللہ خان کے تذکرے کے بغیر ادھوری رہے گی۔ دریں اثناء بلاول بھٹو سے صوبائی وزیر بلدیات ناصر شاہ نے ملاقات کی۔ اعلامیہ کے مطابق بلاول بھٹو زرداری کو ناصر شاہ نے محکمہ بلدیات کی کارکردگی سے آگاہ کیا۔ بلاول نے کہا کہ حل ہوتے بلدیاتی مسائل کی آڑ میں سندھ کا تاثر تباہ کرنے کی سازش سمجھتا ہوں۔ سندھ میں پیپلز پارٹی کی کارکردگی دوسری تمام صوبائی حکومتوں سے بہتر ہے۔