اسلام آباد میں چہلم امام حسین کامرکزی جلوس امام بارگاہ اثنا عشریہ سے آج برآمد ہوگا 

اسلام آباد(خبر نگار)وفاقی دارالحکومت اسلام آباد میںچہلم کامرکزی جلوس امام بارگاہ اثنا عشریہ سے آج دن11بجے برآمد ہوگا اور جی سکس سروس روڈ سے ہوتا ہوا لال کوارٹر چوک پہنچے گا جہاں نماز ظہرین ادا کی جائیگی نماز ظہرین کے بعد سیونتھ ایونیو سروس روڈ سے ہوتا ہوا جی سکس ون ٹو سٹاپ پہنچے گا، پھر جلوس عزا  نیو آبپارہ سے ہوتاہوا میلوڈی آبپارہ روڈ پر آئیگا نیب راولپنڈی کے دفتر کے سامنے سے گزرتا ہوا میلوڈی چوک پہنچے گا اور شہداء چوک میں نماز مغربین ادا کی جائیگی جلوس نماز مغربین کے بعد اپنے مقررہ راستے سے ہوتا ہوا امام بارگاہ  اثنا عشریہ میں تقریبا 9 بجے کے قریب اختتام پذیر ہوگا۔