سپینش لیگ ‘لالیگا’ میں بڑا اپ سیٹ، دفاعی چیمپئن کو شکست

لاہور (سپورٹس ڈیسک )سپینش لیگ ‘لالیگا’ میں بڑا اپ سیٹ ہوا ہے، جہاں مسلسل پانچ میچز میں شکست کے بعد ‘الاویس’ نے دفاعی چیمپئن ایٹلیٹکو میڈرڈ کو ایک صفر سے ہرادیا۔سپینش لیگ میں الاویس نے میچ کے چوتھے ہی منٹ میں ایٹلٹیکو میڈرڈ کے خلاف برتری حاصل کی، گول لاگوارجیا نے سکور کیا، ایٹلیٹیکو میڈرڈ کے سٹرائیکر لوئس سواریز اور گریزمین کے مخالف گول پر حملے بھی ناکام رہے۔دفاعی چیمپئن ایٹلیٹکو میڈرڈ میچ میں 71 فیصد بال اپنے پاس رکھنے کے باوجود گول برابر نہ کرسکی، لوئس سواریز، گریزمین اور لورینٹے جیسے سٹار کھلاڑیوں کی موجودگی میں اسے آٹھ کارنرز بھی ملے، اس نے تیرہ بار مخالف گول پر حملے کیے لیکن سب ناکام ہوئے اور الاویس نے میچ ایک صفر سے جیت لیا۔واضح رہے کہ الاویس گزشتہ سیزن میں سولہویں نمبر پر تھی، موجودہ سیزن میں بھی اسے مسلسل پانچ شکستوں کا سامنا کرنا پڑا ہے تاہم اب وہ اپ سیٹ کرنے میں کامیاب ہوگئی۔