بچیانہ (نمائندہ نوائے وقت) بچیانہ، ننکانہ روڈ کوٹ سادھو رام کے قریب موٹر سائیکل اور ٹریکٹر ٹرالی میں خوفناک تصادم، ماموں، بھائی سمیت دو افراد جاں بحق ہو گئے۔ نماز جنازہ ادا، سینکڑوں سوگواروں کی موجودگی میں سپردِ خاک، تفصیلات کے مطابق بچیانہ کے رہائشی محمد ارشد بعمر 40 سال اور عمر عرفان عزیز بعمر 25 سال جو کہ رشتہ میں ماموں بھانجہ تھے، موٹر سائیکل پر سوار ہو کر ننکانہ صاحب جا رہے تھے کہ کوٹ سادھو رام کے قریب مین روڈ پر کھڑی ریت سے لوڈر ٹریکٹر ٹرالی سے ٹکرا کر شدید زخمی ہوگئے۔ ڈی ایچ کیو ہسپتال ننکانہ صاحب منتقل کیا گیا جہاں وہ زخموں کی تاب نہ لاتے ہوئے دم توڑ گئے۔ نعشیں لواحقین کے حوالے کر دی گئیں۔
ماموں بھانجھا جاں بحق