انسداد ڈینگی، آر ڈ بلےو اےم سی نے حفاظتی تدابیر پر مشتمل پمفلٹس تقسیم کئے

  راولپنڈی(سٹاف رپورٹر )ایڈیشنل ڈپٹی کمشنر جنرل راولپنڈی و ایم ڈی راولپنڈی ویسٹ مینجمنٹ کمپنی کیپٹن(ر) قاسم اعجاز کی ہدایت پرسوشل موبلائزیشن اینڈ کمیونیکیشن ٹیم نے سیٹلائٹ ٹاﺅن ایف بلاک پنجاب کالج کے سامنے صفائی آگاہی کیمپ لگا کر شہریوں کو انسداد ڈینگی کی حفاظتی تدابیر سے آگاہ کیا اور شہریوں میں صفائی اپنانے کے فوائداورانسداد ڈینگی کیلئے حفاظتی تدابیر پر مشتمل پمفلٹس تقسیم کئے،بعد ازاں راولپنڈی ویسٹ مینجمنٹ کمپنی کی سوشل موبلائزیشن اینڈ کمیونیکیشن ٹیم نے سیٹلائٹ ٹاﺅن ایف بلاک میںپنجاب کالج کی طالبات کو بھی صفائی کی اہمیت و افادیت اور انسداد ڈینگی مہم سے متعلق لیکچر دیا۔
ایڈیشنل ڈپٹی کمشنر جنرل راولپنڈی وایم ڈی راولپنڈی ویسٹ مینجمنٹ کمپنی کیپٹن(ر) قاسم اعجاز نے کیمپ کے دورے کے موقع پر شہریوں سے بات چیت کرتے ہوئے کہا کہ ڈینگی کیخلاف صفائی مہم میں شہر میں موجود خالی پلاٹوں ،نالے اورنالیوں،ویسٹ کنٹینرزکی صفائی کی جا رہی ہے،ہم صفائی کیلئے کوشاں ہیں،آپ بھی ان کاوشوں میں ہمارا ہاتھ بٹائیں،اپنا کوڑا کرکٹ کوڑا دان میں ڈالیں،صفائی ستھرائی کو یقینی بنائیں،اپنے گھر کے ساتھ اپنے گلی،محلے اور بازاروں کی صفائی کا بھی خاص خیال رکھیں،ڈینگی کی روک تھام کیلئے کہیں پانی کھڑا نہ ہونے دیں۔